الى ربعي وهلي اليمشون ممشاي
اهل الشعر فرسان القوافي
اخوكم ملتهي اتماطلني دنياي
واحس احلى الشعر حنضل بشافي
نخيت ومرتجي عونتكم بهاي
واعرف المايوافي من اليوافي
كل شاعر بمقطع يفزع وياي
لمن هي القصيده تكول كافي



شكل للكال شعري بحزن مرهون
وشجاوب لايمي المادره بهمي
كلمة عاقل ومن راس مجنون
كتبتني القصيده وباكت اسمي

اعذره الماقراني وقره المكتوب
واعذره الماعذر دمع الصراحه
واظن موعيب من يتلوه مصيوب
يصيح من الوجع موعفه صياحه
حصته من الشمس بس تالي الغروب
ويماشي الليل ما يندل صباحه
يكولون الدمع من يغسل ذنوب
يكدر يغسل وجوه الكباحه
فطن للعبر ت بونات متعوب
سمعهه ونغزته وكف المناحه
ذيج التنحجي وما تجوي الكلوب
جلمة موتت المتعوب راحه
يارخص الحجي الينكال مكلوب
للرايد يشخبط فوك رسمي
يصح بهلول وايدلي اليتيهون
عن صدك الحجي وعثروا بذمي
جلمة عاقل ومن راس مجنون
كتبتني القصيده وباكت اسمي


املي ان اقراء مساهماتكم
واشكركم
اخوكم كريم الجسار