أشراقات عراقيه
شعر : رحيم الغالبي

ياما عمري ويه عمرك ..جمع أيامه وحسب
آنه من اغله : ملح وأنت من تغله ذهب!!
و ياما كلبي ويه ***ك .....
أتدلل
وغنه
ولعب...!!!
ليش ؟ من أغله ملح ...
وأنت من ترخص ..ذهب
يل حلاتك ماي .. وأغرك
.. حتى لو طبعي :خشب!!!
= 2 =
راد من عدنه ... أمتحان ,
وكمنه نقره.. للصبح ,
... جاوبينه بأحله خط وأحله صوره...
,,,,, كام شككها ألوكح ..!!!!
= 3 =
امرايه.. انته:
اليمين.. الكي يسار !!
.. واليسار , الكي يمين
و ضاع كل تعب
.... ألسنين !!
= 4 =
خذت فد مره غزاله ..
للمصور ,
كتله صورها...
رسمها أتكول ذيب ..!!!
و كالي هاذي غزاله ,
. . . كتله ذيب ...!!!؟
كلي لو سألوك عنها
كلهم : أيكول المصور : عندليب ..!!!
= 5 =
ألعود...
ما يدك العود....
بصابع ,
نست وين أظفرها
.... جان العود
بصابع خرسه..!!
جان العود
كل البحر جان اوياك ,
هسه بلا سفينه اتعود...!!!
= 6 =
راد من عدنه ..
أمتحان ,
و كمنه نقره.. للصبح
جاوبينه.. بأحله خط
و أحله صوره..
...... كام شككها ألوكح ..!!
= 7 =
تساوي الحار ...والبارد
تساوي
الميه.. و الواحد
تساوي النزل...
و الصاعد..!!!!
بس .. كلي ؟
اشيساوي الماي..
بين ألجاري و الراكد...!!!؟
= 8 =
مو صحيح..
مو صحيح ..!!
تنتجي أعله جروحي...كلها
.... كلها وما تطيح ..!!!؟
م
و
ص
ح
ي
ح
مو.... مو صحيح!!!

_____________
** شعر رحيم الغالبي